2013/12/08

Deducindo do mundo físico físico / deducindo da física do mundo

Collo unha imaxe da ESA (http://www.esa.int/var/esa/storage/images/esa_multimedia/images/2013/12/sicily/13434613-1-eng-GB/Sicily_fullwidth.jpg?1386447761355) a partir da revista semanal:
A partir da imaxe de Sicilia coa erupción do Etna, podemos comezar a fixarnos en cousas e deducir ... que a foto foi tomada pouco antes do mediodía solar na zona: as sombras dos penachos (son dous, observar de xeito ampliado a parte superior da foto) caen cara ó norte deles e lixeiramente cara á súa dereita.
A altura estaría relacionada coa inclinación do sol a traverso da sombra, pero necesitaríamos unha das dúas magnitudes xunto co desprazamento da sombra para deducir a outra.
A atenuación da sombra que se nota corresponde coa atenuación/dispersión dos penachos, e a súa separación da terra parece que permanece abondo constante a partir de poucos quilómetros a partires do cráter.
O vento provén claramente do ENE, se ben na viciñanza do cráter, a baixa altura temos unha compoñente prácticamente E.
A nivel xeolóxico, o estreito de Mesina deixa ben ás claras que se trata dun corte da plataforma continental.
Na meteoroloxía, a distribución de nubes deixa un día prácticamente despexado en case toda a illa, o que implica un aumento de temperaturas en relación ó mar e un vento cunha compoñente cara ó interior da illa, o que nosa da que as nubes se forman por condensación do vento mareiro ó entrar na terra en zonas que pola súa orografía propician a formación de condensación de auga ó vir vento.
-
Entrada participante no Carnaval de la física/Antroido da física de decembro de 2013, hospedado polo blog Pero esa es otra historia y debe ser contada en otra ocasión.

2013/11/29

O cometa ISON sobreviviu ... de momento

O cometa ISON, na súa aproximación ó Sol (collido de http://bit.ly/1dGa6j3)
Actualización: a data de hoxe, 9 de decembro, está claro que non sobreviviu. O que se ve da cola son os restos antes de dispersarse de vez.

2013/11/04

Torres solares, física e ... economía?

Unha torre solar é ... Ben, cíngome a unha imaxe da wikipedia:
Teriamos un ascenso de aire que pode producir electricidade nunhas turbinas. O ascenso do aire está propiciado por unha torre que absorbería calor e llo pasaría ó aire, que quencería a polo tanto baixaría a súa densidade, ascendendo e 'chupando' o aire da zona baixa, que tamén estaría precalentado por efecto invernadoiro baixo dunha zona protexida, aumentando así a potencia.
A cousa é que canto máis radiación absorba a torre, máis potencia, máis aire absorbido, maior produción elećtrica, ... E canto máis superficie de recolección, maior cantidade de aire, e máis potencia, ... E canto máis alta sexa a torre, máis tempo a quencer, e maior diferencial de densidade, e máis potencia ...
Deixemos a unha beira que o rendemento termodinámico da central sexa abondo pequeno por conseguir relativamente pequenas diferenzas de temperatura co entorno: A sociedade mal organizada tamén ten ineficiencia na súa base. E sigamos. Se temos a superficie como o corpo social, o vento que move as turbinas como o traballo, e a torre como o grupo privilexiado [corpo social 'elevado'] que recolle o vento e é o que ostenta á vista o rendemento, entón, vemos claramente que a máis diferenza social (máis altura da torre), a máis base social (maior área de recollida de aire), e condicións máis negras (maior recollida de radiación), o rendemento enerxético (o aproveitamento do traballo) será maior ... e redundará en quen o poda aproveitar.
Coido que o anterior xa pode dar abondo que pensar, non só en física, senón tamén en economía ou socioloxía, pero por se acaso ...
Por outra banda, o motor, o aire, vai impelido, cantas maiores sexan as dimensións da torre e da central, con máis forza cara enriba. E por alí 'desaparece' ata voltar á liberdade. E isto pasa porque o sistema é aberto. Pero que pasaría nun sistema cerrado dalgún xeito? Pode ser cerrado en moitos sentidos. Poñamos por caso, cerrado pola entrada e saída de aire. Entón, sinxelamente, o sistema non funcionaría, non poderiamos extraer del enerxía dise xeito. E se a central está encerrada, confinada nun espacio pouco maior que a propia central? Entón comezará a funcionar pero o mesmo aire, reciclado, quedará quente á saída e o rendemento termodinámico tenderá a cero co tempo...
Queda a quen esteña lendo o pensar, por exemplo, se o sistema social está collendo recursos dun xeito que a 'central' xa ten un tamaño comparable á zona enteira onde está encravada, ou que pasará se, se para aumentar a eficiencia, subimos máis a altura da torre, con todos os problemas que xera o levantala e o mantela levantada, equivalentes os problemas de ter unha pequena minoría de xente tocando literalmente o ceo, e incrementando a súa altura nunha especie de torre abondo inestable. Ata que punto son comparables as torres termosolares á nosa sociedade?
Esta entrada participa no Carnaval de Física - Antroido da Física que, este mes de novembro, volta á súa casa patrucial: Gravedad Cero.

2013/10/31

Proposta para a comparación meteorolóxia en Galicia: un traballo para a Galiciencia

COMPARATIVA DOS SERVIZOS METEOROLÓXICOS
Ies Ribadeo
O Xardín, s/n 27700 (Ribadeo)
Tél: 982128098
Pablo Ramos Muras e Saúl González Eiros
INTRODUCCIÓN:
O traballo de investigar a comparacion nos erros dos servicios meteorolóxicos naceu da curiosidade por saber que servizo de meteoroloxía galego fallaba máis coa intención de determinar se é unha boa decisión a eliminación de Meteogalicia pola campaña determinada polo goberno central para eliminar as duplicidades na administración publica. (http://www.tiempo.com/ram/34812/meteogalicia-en-el-punto-de-mira/)
A finalidade do proxecto é averiguar a taxa de error das web de Meteogalicia e Aemet comparando a información coa recollida pola estación Pedro Murias tomando como referenza varios parámetros diferentes sobre o tempo na vila de Ribadeo.

HIPÓTESES:
Posto que Meteogalicia é unha paxina que só toma previsións do territorio galego e Aemet é unha paxina que abarca todo o estado pensamos que as prediccións de Meteogalicia seran máis precisas para o territorio ribandese posto que esta máis cerca. Porén, a nosa hipótese rexeita o descarte de meteogalicia, pois é unha ferramenta máis útil en terra galega.

MATERIAIS E MÉTODOS:
Para a realización do proxecto non requerimos máis que os datos recollidos nas páxinas web correspondentes e a interpretación das lendas sobre os calculos que ofrecían ditas páxinas. Tamén utilizamos o soporte LibreOffice para a presentación dos datos.
As lendas de Meteogalícia:
Para o estado do ceo:


Para o vento:
FONTES DOCUMENTAIS:
As páxinas web de:
Aemet: http://www.aemet.es/es/portada
Meteogalicia: http://www.meteogalicia.es/web/index.action
Pedro Murias: http://www2.meteogalicia.es/galego/observacion/estacions/estacions.asp#

RESULTADOS:
Esto sería un exemplo de comparación entre os resultados de temperatura de Aemet e de Meteogalicia cos tomados na realidade.
Estos datos miranse coa seguinte formula: sqrt(tmMG-Tm)²
onde TmMG é temperatura mínima predita e Tm e temperatura minima observada. Esta formula leva unha raiz é un cadrado para poder ter un exemplo de diferencia que sempre de positivo. O valor ideal desta formula sería o máis preto ao 0, sendo o 0 o valor no que ambolos resultados son iguais.

Esto mismo faise coas temperaturas maximas de Meteogalicia e de Aemet.
Canto máis distante o valor do cero, máis fallo.







CONCLUSIÓNS:
A día de hoxe, o noso estudo levanos a conclusión que a plataforma de meteogalicia ten, respecto a aemet, máis acerto a hora de predecir o vento e a forza deste. Sen embargo, Aemet proporciona mellores resultados sobre o estado do ceo, a chuvia e a temperatura.
Ainda así opinamos que a conservación de servizo meteorolóxico de Meteogalicia é un ben precisado, polo feito de que é un sistema aceptado e moi presente na vida de moitos galegos de todolos lugares da nosa comunidade.

BIBLIOGRAFÍA: Non usamos bibliografía especial aparte da lenda das respectivas paxinas web e a axuda do programa LibreOffice.


El Tiempo en Ribadeo - Predicción a 7 días y condiciones actuales.